Do Lá sa Chomhairle

Céard é Do Lá sa Chomhairle?

Is feachtas náisiúnta é Do Lá sa Chomhairle atá deartha chun aird a tharraingt ar na seirbhísí agus ar an obair a dhéanann rialtas áitiúil in Éirinn. Déantar ceiliúradh ar an lá seo ar ról na gcomhairlí contae agus cathrach ar thiomantas a mball foirne. Beidh an t-imeacht á chomheagrú ag an nGníomhaireacht Bainistíochta Rialtais Áitiúil (GBRÁ) agus tugann 31 údarás áitiúil tacaíocht dó, agus is é aidhm an lae chun:

• Seirbhísí agus éachtaí an údaráis áitiúil a thabhairt chun solais.
• Ceiliúradh a dhéanamh ar thiomantas bhaill foirne an údaráis áitiúil.
• Aird an phobail a tharraingt ar ról na gcomhairlí contae agus cathrach, ag a bhfuil tionchar tábhachtach agus dearfach ar ár saol laethúil.

Céard a tharlaíonn ar Do Lá sa Chomhairle?

Dé hAoine, an 27 Meitheamh 2025, déanfaidh na húdaráis áitiúla an méid seo a leanas:

• Scéalta agus ábhar a chomhroinnt ar na meáin shóisialta ach haischlibeanna a úsáid #YourCouncilDay agus #DoLáSaChomhairle.
• Solas a chaitheamh ar sheirbhísí, ar na baill foirne agus ar thionscnaimh phobail.
• Teagmháil a dhéanamh leis an bpobal, le comhairleoirí agus le grúpaí pobail.
• Imeachtaí áitiúla a óstáil nó tacú leis na himeachtaí sin (m.sh. turais siúil, comhairliúcháin, ceiliúradh).
• Úsáid a bhaint as na meáin thraidisiúnta agus as ardáin dhigiteacha chun a gcuid oibre a chur chun cinn.
• Ábhar sa chúlra, scéalta pearsanta faoi bhaill foirne agus tionscadail nuálacha a chomhroinnt chun léargas a thabhairt do dhaoine ar sheirbhísí agus ar shaol údaráis áitiúil.

Oibríonn ár gcomhairlí contae agus cathrach as lámha a chéile le réimse leathan páirtithe leasmhara agus páirtithe ar fud shochaí na hÉireann. Bíonn na comhairleoirí tofa ar son na saoránach, molann siad iad, agus oibríonn gníomhaireachtaí Rialtais i gcomhar leis na húdaráis áitiúla chun polasaithe náisiúnta a chur i bhfeidhm. Oibríonn comhlachtaí stáit agus eagraíochtaí neamhbhrabúis le húdaráis áitiúla chun seirbhísí riachtanacha a sheachadadh, agus oibríonn grúpaí pobail i gcomhar le comhairlí le feabhas a chur ar an saol i gceantair uirbeacha agus thuaithe. Mar chuid de Do Lá sa Chomhairle 2025, cuirfidh na páirtithe leasmhara agus na páirtithe seo a gcomhoibriú ar taispeáint agus déanfaidh siad ceiliúradh ar an gcomhoibriú seo le húdaráis phoiblí trí ardáin ar líne.

Céard é téama na bliana 2025?

Is é Pobail Níos Láidre a Chruthú téama Do Lá sa Chomhairle 2025. Cruthaíonn na húdaráis phoiblí timpeallachtaí ina n-airíonn daoine go bhfuil siad ceangailte, go bhfaigheann siad tacaíocht, agus go bhfuil cumhacht acu le bheith rathúil le chéile. Is téama leathan é, ina ligtear cead do chomhairlí a gcaighdeán ard a chur ar taispeáint ar fud réimse seirbhísí éagsúla. Gach lá, bíonn do chomhairle contae nó cathrach ag Cruthú Pobail Níos Láidre trí roinnt tionscnamh agus tionscadal a bhíonn á mbainistiú agus á stiúradh ag ár gcomhairlí contae agus cathrach. Níl anseo ach roinnt samplaí dá gceannasaíocht ina leith seo:

• Spásanna don Phobal Páirceanna, leabharlanna, ionaid phobail, agus spásanna roinnte eile a chuireann chun cinn teagmháil shóisialta atá faoi bhainistiú na gcomhairlí agus atá á n-oibriú ag na comhairlí.
• Daonlathas Áitiúil: Tá na comhairlí chun tosaigh maidir le páirt a thabhairt do shaoránaigh i gcinnteoireacht trí thoghcháin, Líonraí Rannpháirtíochta Pobail (PPNanna), Coistí Forbartha Pobail Áitiúil (CFPÁnna), agus comhairliúcháin phoiblí.
• Forbairt Áitiúil Gheilleagrach Tá na comhairlí chun tosaigh maidir le bheith ag tacú le seirbhísí na ngnólachtaí áitiúla a mbainimid leas astu go rialta trí Oifigí Fiontraíochta Áitiúla (LEOnna), deontais, agus tionscnaimh Tús Áite do Lár an Bhaile.
• Grúpaí Pobail agus Deonacha: Oibríonn na comhairlí i gcomhar le grúpaí pobail chun spásanna ionchuimsitheacha a chruthú agus chun cumhacht a thabhairt do na cónaitheoirí chun feabhas a chur ar a bpobail.
• Pleanáil: Bíonn pobail bhríomhaire ar féidir cónaí iontu á stiúradh ag comhairlí trí phleananna forbartha a imríonn tionchar ar ár saol gach lá.

Cén chaoi ar féidir liom páirt a ghlacadh i Do Lá sa Chomhairle?

Is é seo an chaoi ar féidir leat a bheith páirteach ann:

• Do chomhairle áitiúil a leanúint agus páirt a ghlacadh i do chomhairle áitiúil ar na meáin shóisialta ach na haischlibeanna seo a úsáid: #YourCouncilDay agus #DoLáSaChomhairle.
• Trí fhreastal ar imeachtaí áitiúla nó ar ghníomhaíochtaí áitiúla a bheidh ar siúl thart ar an 27 Meitheamh.
• Trí do chuid scéalta féin a chomhroinnt leis na seirbhísí comhairle áitiúla.
• Trí obair dheonach a dhéanamh nó trí bheith ag comhoibriú le grúpaí pobail a dtugann do chomhairle tacaíocht dóibh.
• Aird a tharraingt ar na seirbhísí a chuireann d’údarás áitiúil ar fáil.